Rregullore e bibliotekes se Gjimnazit "28 nentori"

Urdhëri nr.31, datë 28.01.2020  për miratimin e rregullorës për funksionimin e institucioneve arsimore parauniversitare në Republikën e Shqipërisë, kreu XX neni 110, mbi funksionimin e bibliotekave të institucioneve arsimore si më poshtë:”

Biblioteka e institucionit arsimor

Neni 110

1. Biblioteka e institucionit arsimor ( në vijim “biblioteka”), si rregull, qëndron e hapur edhe pas përfundimit të orarit mësimor.
2. Lexues në bibliotekë janë nxënësit dhe mësuesit e shkollës. Përjashtimet përcaktohen në rregulloren e brendshme të IA-së.
3. Kujdestari i bibliotekës është mësues i institucionit arsimor i profilit “Gjuhë shqipe dhe letërsi”.
4. Drejtori :
• Miraton rregulloren e bibliotekës, që hartohet nga një grup pune i përbërë nga mësues dhe nxënës;
• Miraton përshkrimin e punës së kujdestarit të bibliotekës
• Cakton orarin ditor të funksionimit të bibliotekës.
5. Kujdestari i bibliotekës ka këto detyra:
• Siguron shërbimin e bibliotekës për lexuesit e saj.
• Klasifikon e përpunon në bazë shkencore librat e bibliotekës dhe i inventarizon ata;
• Informon rregullisht lexuesit rreth prurjeve të reja në bibliotekë;
• Bashkëpunon me punonjësit arsimorë të institucionit dhe nxënësit për pasurimin e bibliotekës;
• Zhvillon vetë veprimtari të bibliotekës, ose në bashkëpunim me punonjësit arsimorë të institucionit, ose të ftuar.
6. Biblioteka mban kopjet e këtyre dokumenteve; Kodi i Punës, LAPU, Rregullorja, Kontrata Kolektive, dokumentet kurrikulare të miratuara nga ministri .
7. Biblioteka ruan:
• Koleksionin e botimeve të ministrisë dhe të institucioneve në varësi të saj:
• Historikun e IA-së.
• Tekstet shkollore alternative të dhëna nga shtëpitë botuese ose të blera nga IA-ja

NORMAT E PËRGJITHSHME TË SJELLJES

• Biblioteka ështe vend i  përbashkët studimi e kërkimi, prandaj  gjithësecili  duhet të ruajë rreptësisht qetësinë , qoftë në sallën e leximit, qoftë në mjediset e tjera të saj.
• Është  absolutisht e ndaluar të pihet  duhan  ose të konsumohen  ushqime  apo  pije.
• Përdorimi  i  aparateve fotografike,elektrike dhe elektronike përsonale duhet të jetë i autorizuar.

ORARI I BIBLIOTEKËS

E MARTE              9.35 – 9.50       /       13.05 – 13.45
E MERKURE        9.35 – 9.50       /       13.05 – 13.45
E PREMTE            9.35 – 9.50       /       13.05 – 13.45

HYRJA NË BIBLIOTEKË

1. Para se të hyjë në sallën e leximit,të gjithë përdoruesit duhet të dorëzojnë në hyrje ,përvec teserës  së pranimit në bibliotekë (osedokument përsonal)edhe  cantat edhe objekte të tjera, të cilat zakonisht nuk lejohen nga rregulloret e bibliotekave.
2. Para se të largohet nga biblioteka  dhe para  se të tërheqe  teseren e pranimit apo dokumentin personal dhe sendet e veta  të dorëzuara në  hyrje , përdoruesi duhet  të dorëzojë librat apo revistat që ka marrë për  të lexuar.

PERDORIMI I LIBRIT

• Përdoruesit  janë  personalisht  përgjegjës  për librat që marrin në dorëzim.
• Duhet të bëjnë kujdes të mos dëmtojnë librat.
• Të mos i shfletojnë faqet duke  i njomur gishtat.
• Të mos i vendosin librat e hapur  njëri mbi tjetrin.
• Të mos mbajnë  shënim mbi fletë  të vendosura  drejtpërdrejtë mbi  libër.
• Të mos i mbyllin keq.
• Të mos i përthyejnë faqet.